Dünya

Norveçli terrorçudan müsəlman dünyasına ciddi xəbərdarlıq

14 Oktyabr 2011 09:34
Baxış: 824
VTB-də minimal faiz dərəcəsi ilə nağd kredit 9.9%-dən
#NORWAY
Anspress xəbər verir ki, Oslo və Utoyya adasında terror aktlarını həyata keçirən norveçli ultrasağçı Anders Berinq Breyvik bəyan edib ki, Avropada İslam əleyhinə 80-dən çox radikal qruplaşma fəaliyyət göstərir. Məlumatı "Reuters" agentliyi yayıb.

"Onun sözlərinə görə, üç ultrasağçı özək Norveçdə, 80-ə yaxın özək üçün bütün Avropaya paylaşıb", - Breyvikin bəyanatını müstəntiq Kristian Hatlo çatdırıb. O bildirib ki, hələlik Norveç polisi terrorçunun dediyi özəklərdən heç birini aşkarlamayıb.

Polisin məlumatına görə, Anders Breyvik iyulun 22-də həbs edildikdən dərhal sonra oxşar bəyanatlar verib. Lakin o vaxt hüquq-mühafizə orqanları vahimə yaratmamaq üçün bu informasiyanı açıqlamayıb. Polisin mətbuat katibi Roar Hansen təsdiqləyib ki, Andres Breyvik bir neçə ay əvvəl belə bir bəyanatla çıxış edib: "O, həqiqətən 60-80 silahlı qruplaşmanın mövcudluğundan danışmışdı. Lakin mən əmin deyiləm ki, müstəntiqlər onun sözlərinə inansınlar".

Breyvikin bəyanatı ilə əlaqədar Norveç hökuməti terrorçu ilə əlbir olanların aşkarlanması məqsədilə Avropanın 20 ölkəsində araşdırmaların aparılması üçün müraciət edib. "Biz hələ də düşünürük ki, Anders Breyvik tək fəaliyyət göstərib. Lakin tam əminlikdən danışmaq tezdir", - Roar Hansen bildirib.

Xatırladaq ki, Norveçdə iki terror aktı bu il iyulun 22-də baş verib. Oslonun məhəllələrindən birində partlayıcının işə salınması və Utoyya adasında toplanışda olan gənclərin gülləbaran edilməsi nəticəsində 77 nəfər ölüb, 100-ə yaxın adam yaralanıb. Anders Breyvik hadisə yerində həbs edilib. O, hazırda Norveç paytaxtının yaxınlığındakı həbsxanalardan birində saxlanılır. Ölkə qanunvericiliyinə görə, onu ən çoxu 30 ilədək azadlıqdan məhrumetmə cəzası gözləyir.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.