Dünya

ABŞ-OPEK savaşı qızışır: Nefti nələr gözləyir?

17 Mart 2019 09:34
0 Şərh     Baxış: 1 458
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

OPEK+ ölkələri orta perspektivdə hasilatı daha da azaltmaq məcburiyyəti qarşısında qalacaqlar.

Milli.Az bildirir ki, bu sözləri Axar.az-a yaxın və orta perspektivdə dünya neft bazarını gözləyən dəyişikliklər barədə danışan iqtisadçı ekspert Pərviz Heydərov deyib. O, dünya neft bazarında rəqabət şəraitinin olduqca kəskin xarakter aldığını bildirib:

"ABŞ-ın illər öncə neft qiymətlərinin formalaşmasında təsir imkanları kifayət qədər böyük idi, ancaq indi vəziyyət tamamilə dəyişib. Xüsusən də 2014-cü ilin yayından sonra neft qiymətlərinin mərhələli olaraq düşməsi nəticəsində OPEK və OPEK-ə daxil olmayan ölkələr bir araya gələrək hasilatı azaltmaqla bazardakı ucuzlaşmanın qarşısını almağa nail olublar. Məhz bunun nəticəsidir ki, 2017-ci ildən etibarən neft qiymətləri sabitləşib. 50 dollar ətrafında dəyişən qiymətlər ötən ilin ikinci yarısından etibarən 60 dolları ötüb".

İqtisadçı hesab edir ki, OPEK hasilatın məhdudlaşdırılması haqqında qərarını bu il də qüvvədə saxlayacaq:

"ABŞ-da şist neft hasilatı sürətlə genişlənir və yeni neft yataqları istismara verilir. Bu o deməkdir ki, ABŞ dünya neft bazarında həm istehlakçı, həm də istehsalçı kimi çıxış etməyə başlayır. Bu isə Səudiyyə Ərəbistanı başda olmaqla, bütün OPEK, o cümlədən təşkilata daxil olmayan ölkələr üçün təhlükəli vəziyyət yaradır. Ona görə də OPEK+ ölkələri orta perspektivdə hasilatı daha da azaltmaq məcburiyyəti qarşısında qalacaqlar. ABŞ-da hasilatın artması fonunda neft qiymətlərini 60 dollar civarında saxlamaq üçün bundan başqa çarə yoxdur. Əslində, bu, neft hasilatçısı ölkələri, həmçinin Azərbaycan üçün çox məqbul bir qiymətdir".

P.Heydərov vurğulayıb ki, neftin qiymətinin 60 dollar olması siyasi ambisiyaları olan ABŞ üçün sərfəli deyil:

"ABŞ dövlət gəlirləri neftdən asılı olan ölkələrin iqtisadiyyatını çökdürmək istəyir. Buna görə də ABŞ dünya bazarına əvvəlkitək təsir göstərmək üçün bütün qüvvəsi ilə hasilatı artırmağa çalışacaq. Ancaq ABŞ-ın neft qiymətlərini 60 dollardan aşağı çəkibə bilib-bilməyəcəyini zaman göstərəcək".

Milli.Az 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.