PUL
İstanbulun Beşiktaş ərazisində sevgilisinin doğum gününü qeyd edən polis hücuma məruz qalıb.
Milli.Az Haberler-ə istinadən xəbər verir ki, polisin şüşə parçası ilə boğazını kəsən şübhəlilər artıq saxlanılıblar.
Cütlük doğum gününü qeyd etdikdən sonra gecə 02.30 radələrində məkandan çıxaraq piyada gəzməyə başlayıblar. O an bir nəfər Ağır adlı polis məmurunun və sevgilisinin qarşısını kəsərək pul istəyib. Bu zaman polis ilə həmin şəxs arasında dava olub. Şübhəli qaçaraq hadisə yerindən uzaqlaşıb.
Hadisədən sonra Ağır sevgilisini taksiyə mindirərək evinə yola salıb. Bu əsnada aralarında az öncəki şübhəlinin də olduğu 3 nəfər polisin önünü kəsərək ona hücum ediblər. Həmin an onlardan bir nəfər şüşə parçası ilə Ağırın boğazını kəsib. Qanlı olaydan sonra 3 şübhəli hadisə yerindən qaçıb. Xəstəxanaya çatdırılan polis məmurunun həyatını xilas etmək mümkün olmayıb.
Dərhal isti izlərlə əməliyyata başlayan polislər hər üç cinayətkarı saxlayıb.
Məhəmməd Vaqif
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
