Hindistan hərbçilərinin Pakistanın nəzarəti altında olan Kəşmir və Cammu bölgəsinin topa tutuması nəticəsində 6 nəfər ölüb, 26 nəfər yaralanıb.
Milli.Az Report-a istinadən xəbər verir ki, bu haqda Pakistan Müdafiə Ordusu məlumat yayıb.
İnformasiyaya əsasən, ölənlərdən 4-ü qadın, yaralananlardan isə 15-i qadın, 5-i uşaqdır.
Pakistan hərbçiləri atəşə cavab veriblər. 2003-cü ildə Hindistanla Pakistan arasında atəşkəs əldə edilmişdi. Ancaq ötən müddət ərzində atəşkəsin pozulduğu haqda məlumatlar yayılıb. Tərəflər bir-birini atəşkəs rejimini pozmaqda ittiham edir.
1947-ci ildən indiyədək Cammu və Kəşmirdəki münaqişə nəticəsində 70 min nəfər ölüb.
Milli.Az
Digər maraqlı xəbərlər Milli.Az-ın Facebook səhifəsində