Dünya

iPad istehsal edən zavodda partlayış: ölənlər və yaralananlar var - VİDEO

21 May 2011 11:54
Baxış: 1 096
VTB-də minimal faiz dərəcəsi ilə nağd kredit 10.49%-dən
#APPLE INC #İPAD #HON HAİ PRECİSİON INDUSTRY CO LTD
Çinin Sıçuan əyalətinin Çendu şəhəri yaxınlığında "Foxconn" şirkətinin müəssisəsində güclü partlayış baş verib. "The Guardian" qəzetinin məlumatına görə, iki nəfərin öldüyü təsdiqlənib, 10-dan şəxs xəsarət alıb. Şirkətin nümayəndələri bildiriblər ki, adamlar yanğın nəticəsində xəsarət alıblar. Digər məlumatlara görə, 16 nəfər yaralanıb. Yaralananlardan 3-nün vəziyyəti ağırdır. Hadisə yerindən çəkilmiş kadrlarda tüstü görünür.

"Foxconn" şirkəti əsasən Amerikanın nəhəngi "Apple" üçün iPhone smartfonlarının və iPad planşet komyuterlərinin istehsalçısı kimi tanınır. Bundan başqa, müəssisənin "Nokia", "Motorola", "Hewlett-Packard" və "Dell" kimi məşhur tərəfdaşları da var. Ümumilikdə "Foxconn"da 900 min nəfərə, hadisənin baş verdiyi fabrikdə isə 100 min nəfərə yaxın adam çalışır. İri zavodlardakı əmək şəraiti dəfələrlə müzakirə mövzusuna çevrilib.

"Apple" şirkəti hələlik vəziyyəti şərh etməyib. İTAR-TASS-ın "The Wall Street Journal"a istinadən verdiyi məlumata görə, zavodun konveyeri partlayışın səbəbləri aydınlaşanadək dayandırılıb.

iPAd istehsalının dayandırılması "Apple" üçün sərfəli deyil. Şirkət hələlik ikinci nəsil planşet kompyuterlərinə olan tələbatı tam ödəmək gücündə deyil. Kompyuterlərin ABŞ-da satışına martda başlanılıb. Hələ iPAd2 təchizatı bazarın artan tələbatını ödəmir.

ANS PRESS



Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.