Dünya

Rusiya Qara dənizə hərbi gəmilər gətirir

26 İyul 2015 18:16
0 Şərh     Baxış: 1 613
VTB-də minimal faiz dərəcəsi ilə nağd kredit 9.9%-dən

2020-ci ilədək Rusiya Hərbi-Dəniz Qüvvələrinin Krımdakı Qara dəniz donanmasının balansına 54 yeni gəmi daxil olacaq.

Report İnterfaks agentliyinə istinadən xəbər verir ki, bunu Qara dəniz donanmasının rəhbəri, admiral Aleksandr Vitko bildirib.

Onun sözlərinə görə, hazırda Sevastopol şəhərində keçirilən hərbi-dəniz paradı Sovet İttifaqı dövründə inşa edilən gəmilərin çoxluq təşkil etdiyi sonuncu paraddır.

"Severomorsk və Baltiysk limanlarına olan gəmilərin bir qismi artıq gələn il Krıma gətiriləcək", - deyə admiral məlumat verib.

Qara dəniz donanması 1783-cü ildə - Krım Rusiya imperiyasına qoşulduqdan sonra yaranıb. Onun ilk baza məntəqəsi Krım yarımadasının cənub-qərb sahilində yerləşən Axtiar buxtası olub. Burada Sevastopol şəhəri salınıb.

Artıq 1787-ci ildə onun tərkibinə 2 döyüş gəmisi, 12 freqat, 3 bombardman gəmisi və 28 ədəd digər tipli hərbi gəmi daxil idi. Donanmaya Qara dəniz admirallığı komandanlıq edirdi.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.