Dünya

Amerikanın tankları sərhədimizə çatdı

6 May 2015 20:48
0 Şərh     Baxış: 2 938
VTB-də minimal faiz dərəcəsi ilə nağd kredit 9.9%-dən
#DÜNYADA #GEORGİA

 Silahlı Qüvvələrin ağır hərbi texnikası Batumi limanından Gürcüstana girib

ABŞ silahlı qüvvələrinin ağır hərbi texnikası Gürcüstana daxil olub.

Anspress-in məlumatına görə, hərbi texnika Batumi limanından Gürcüstana girib.

Gürcüstan və ABŞ-ın "Noble Partner" hərbi təlimləri mayın 11-dən 15-dək keçiriləcək.

Hərbi təlimlərlə əlaqədar ABŞ Gürcüstana 14 "Bredli" piyada döyüş maşını, logistika və təlimlər üçün nəzərdə tutulmuş təchizatın təminatı üzrə maşınları Vaziani hərbi bazasına dəmir yolu vasitəsilə göndərib.

Qeyd edək ki, Gürcüstan-ABŞ "Noble Partner" təlimləri hərbi aerodromda və Vaziani (Tiflisin yaxınlığında) poliqonunda keçiriləcək. Mayın 11-də başlayacaq təlimlərdə "Alfa" bölüyündən təxminən 600 amerika və gürcü hərbçisinin iştirak edəcəyi gözlənilir.

Həmçinin təlimlərdə Gürcüstanın qoşunlarının birinci piyada briqadasının 12 batalyonu iştirak edəcək.

Gürcüstan Müdafiə Nazirliyi qeyd edib ki, təlimlərin məqsədi NATO-nun gələcək əməliyyatlarında iştiraka hazırlığın artırılmasıdır.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.