Dünya

İsrail prezidenti dul qaldı

20 Yanvar 2011 18:04
Baxış: 159
VTB-də minimal faiz dərəcəsi ilə nağd kredit 9.9%-dən
#ISRAEL
Milli.Az xəbər portalı "Kol İsrael"ə istinadən bildirir ki, İsrail prezidenti Şimon Peresin xanımı Sonya Peres bu gün 87 yaşında dünyasını dəyişib.
Ölüm faktını çağırışa gəlmiş "Magen David Adom" təcili yardım briqadası qeydə alıb.

Paramediklər yaşlı qadını reanimasiya etməyə çalışsalar da, onların səyləri nəticə verməyib.
Qızlıq soyadı Gelman olan Sonya Peres Ukraynadan İsrailə repatriasiya olmuşdu. 1940-cı illərdə Ben-Şemen kibusunun əmək məktəbində oxuyan Sonya elə orada da gələcək əri Şimon Pereslə tanış olub.
Təhsilini başa vurandan sonra Sonya Britaniya ordusunun yəhudi birləşməsinə könüllü qoşulub və Avropaya göndərilərək yük maşını sürücülüyünü öyrənib, döyüşlərdə iştirak edib.

Fələstinə dönəndən sonra o, Şimon Peresin yaşadığı kibusda işləməyə başlayıb.
Şimon Pereslə Sonya Gelman 1945-ci ilin mayın 1-də evləniblər. Bir qədər sonra Peres İsrail Müdafiə Nazirliyində işləməyə başlayıb, onların ailəsində Sviya adlı qız doğulub və ailə Təl-Əvivə köçüb.
Peresin oğulları Xemi və Yoni də orada doğulub.
Şimon Peresin 3 övladı, 6 nəvəsi var.

2007-ci ildə Şimon Peres İsrail prezidenti seçiləndə Sonya onunla birlikdə Qüdsdəki prezident sarayına yollanmaqdan imtina edərək Təl-Əvivin Ramat-Aviv məhəlləsindəki evdə qalmağa üstünülk verib.
Buna rəğmən, Şimon Pereslə Sonya arasındakı münasibətlər əsla dəyişməmişdi.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.