Dünya

ABŞ Kubada maliyyə blokadasını sərtləşdirir

31 İyul 2013 09:39
0 Şərh     Baxış: 966
VTB-də minimal faiz dərəcəsi ilə nağd kredit 10.49%-dən
#AMERİKA #AMERİCAN EXPRESS CO #INTESA SANPAOLO SPA
ABŞ hakimiyyəti son həftələrdə Kuba ilə tranzaksiyalara görə "American Express Travel" turizm operatoruna və İtaliyanın "Intesa Sanpaolo" bankına iri cərimələr tətbiq etməklə Kubaya qarşı maliyyə embarqosunu sərtləşdirib. Trend RİA Novosti-yə istinadən xəbər verir ki, bu barədə Kuba Xarici İşlər Nazirliyi məlumat yayıb.

XİN-in yaydığı məlumatda qeyd olunur ki, ABŞ Xəzinədarlığının Xarici aktivlərə nəzarət İdarəsi (OFAC) cari ilin iyun ayının sonunda İtaliyanın iri banklarından biri olan "Intesa Sanpaolo"nu 2004-2008-ci illərdə Kubaya 53 pul köçürməsi həyata keçirdiyinə görə 2,9 milyon dollar məbləğində cərimələyib. Bir həftə əvvəl isə OFAC ABŞ-ın iri turizm operatorlarından biri olan "American Express Travel Related Services Company"yə üçüncü ölkələrdən Kubaya 14,4 min aviabilet satdığına görə 5,2 milyon dollar məbləğində cərimə tətbiq edib.

Kuba XİN-in qənaətincə, bütün bunlar rəsmi Vaşinqtonun avropalı tərəfdaşlarına "həyasız" münasibətinin göstəricisidir və Kuba ilə ticarət əlaqələri olan təşkilatlar üçün mənfi presedentdir.

Qeyd edək ki, Birləşmiş Ştatlar 1960-cı ildə adada ABŞ vətəndaşları və korporasiyalarının ekspropriasiyasından sonra Kubaya qarşı sanksiyalar tətbiq etməyə başlayıb.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.