Dünya

Məşhur avtomobil markası 2.7 milyon ədəd maşını geri çağırır

19 İyun 2013 11:43
0 Şərh     Baxış: 1 814
VTB-də minimal faiz dərəcəsi ilə nağd kredit 9.9%-dən
#CHRYSLER LLC #JEEP
ABŞ-ın "Chrysler" konserni özünün müxtəlif illərdə istehsal olunmuş 2.7 milyon ədəd "Jeep" markalı avtomobillərini könüllü olaraq geri çağırır.

Anspress-in xarici mətbuata istinadən verdiyi məlumata görə, şirkət bununla da Milli yol hərəkətinin təhlükəsizliyi idarəsinin (National Highway Traffic Safety Administration, NHTSA) tələbini yerinə yetirmiş olur.

İdarənin yaydığı məlumatda deyilir ki, bu hansı bazarlardakı avtomobillərə aid olacağı hələ ki məlum deyil.

Belə ki, ilkin ehtimallara görə, bu, 1993-2004-cü illərdə istehsal olunmuş "Jeep Grand Cherokee" və 2002-2007-ci illərdə istehsal edilmiş "Jeep Liberty" avtomobillərinə şamil olunacaq.

Maşınların geri çağırılmasına səbəb isə bu avtomobillərin yanacaq çəninin maşının arxa hissəsində quraşdırılmasıdır. Ehtimal olunur ki, arxadan vurularaq qəza törədilən zaman çəndəki yanacaq avtomobilin içinə sıza bilər və bununla da avtomobildə yanğın yarana bilər.

Konsern rəsmiləri mətbuata geri çağırılmanın şirkətə neçəyə başa gələcəyini açıqlamaqdan boyun qaçırsalar da, mütəxəssilər bunun "Chysler" şirkəti üçün 300 milyon başa gələcəyini bildirirlər.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.