Dünya

Məktəblilər bu halda 100 dollar qazanacaqlar - Şərtlər açıqlandı

27 Avqust 2026 16:21

Baxış: 418

VTB-də minimal faiz dərəcəsi ilə nağd kredit 9.9%-dən

ABŞ-nin Detroyt şəhərində şagirdlərin dərsə davamiyyətini artırmaq məqsədilə maraqlı təşəbbüs həyata keçirilir.

Milli.Az xarici KİV-ə istinadən xəbər verir ki, "Mükəmməl Davamiyyət Ödənişi" proqramı çərçivəsində yuxarı sinif şagirdlərinə dərslərdə müntəzəm iştirak etdikləri üçün 100 dollarlıq Visa hədiyyə kartı veriləcək.

Proqramın şərtlərinə əsasən, şagird beş gün ərzində bütün dərslərdə iştirak edərsə, 100 dollarlıq hədiyyə kartı qazanacaq.

Bildirilib ki, ötən tədris ilində təxminən 12 800 şagird ən azı bir dəfə bu mükafatdan yararlanıb. Proqramın tətbiqindən sonra yuxarı siniflərdə davamiyyətsizlik göstəricisi 64 faizdən 54 faizə enib.

Yeni tədris ilindən etibarən təşəbbüs 6-8-ci sinif şagirdlərini də əhatə edəcək. Bu yaş qrupunda dərsləri bir həftə ərzində buraxmayan şagirdlərə 50 dollar, yuxarı sinif şagirdlərinə isə 100 dollar veriləcək.

Müəllif: Malik Məlikov (Milli.Az redaktor)