Dünya

Ərdoğanın hədiyyə etdiyi bahalı tapançaları özləri ilə apara bilmədilər - (Foto)

9 İyul 2026 18:04

Baxış: 2 533

VTB-də minimal faiz dərəcəsi ilə nağd kredit 9.9%-dən

#TÜRKİYƏ #NATO #ƏRDOĞAN

Türkiyə Prezidenti Rəcəb Tayyib Ərdoğan NATO-nun Ankarada keçirilən sammitinin yekununda Avropa liderlərinə üzərində onların adları həkk olunmuş fərdi tapançalar və döyüş patronları hədiyyə edib.

Milli.Az qafqazinfo-ya istinadən xəbər verir ki, bu barədə "Politico" nəşri Avropa İttifaqındakı (Aİ) mənbələrə istinadən məlumat yayıb.

Bildirilir ki, Avropa Komissiyasının sədri Ursula fon der Lyayen, Avropa Şurasının sədri Antonio Koşta, Böyük Britaniyanın Baş naziri vəzifəsini icra edən Kir Starmer və Niderlandın hökumət başçısı Rob Cettenə oxşar hədiyyələr verilib.

Koştanın təhlükəsizlik xidməti tapançanı yoxlama üçün götürüb. Onu bütün hüquqi prosedurlar və saxlama qaydalarına riayət etməklə Belçikaya çatdırmaq planlaşdırılır.

Ursula fon der Lyayenin komandası silahla necə davranılacağı barədə açıqlama verməyib.

Digər Avropa liderləri hədiyyələri sonradan götürmək qərarına gəlibər. Belə ki, Kir Starmer və Rob Cetten tapançaları öz ölkələrinə aparmazdan əvvəl döyüş vəziyyətindən çıxarılması üçün Türkiyədə saxlayacaqlarını açıqlayıblar.

Lakin mənbələrin sözlərinə görə, bahalı hədiyyəlik tapançaların qiyməti, çox güman ki, Aİ-də rəsmi hədiyyələrin dəyəri üçün müəyyən edilmiş limiti aşır, buna görə də liderlər onları özlərində saxlaya bilməyəcəklər.

Müəllif: Tural Hüseyn (Milli.Az redaktor)