Dünya

Ayaqları olmayan Rüstəm Nəbiyev Everesti fəth etdi: Yalnız əlləri ilə... - FOTO

22 May 2026 11:07

Baxış: 333

VTB-də minimal faiz dərəcəsi ilə nağd kredit 9.9%-dən

#DÜNYADA #MARAQLI

2015-ci ildə Omsk şəhərində kazarmanın çökməsi nəticəsində hər iki ayağını itirən rusiyalı parapmançı və bloqer Rüstəm Nəbiyev mayın 20-də tarixdə ilk dəfə yalnız əlləri ilə Everest zirvəsinə qalxıb.

Milli.Az xəbər verir ki, o, bu barədə sosial şəbəkə hesabında paylaşım edərək zirvəyə Nepal vaxtı ilə səhər saat 08:16-da çatdığını bildirib.

Nəbiyev bu uğuru insanlara sona qədər mübarizə aparmağın vacibliyini göstərmək üçün etdiyini vurğulayıb.

Rüstəm Nəbiyev 2015-ci ildə Hava-Desant Qoşunlarının Omskdakı təlim mərkəzində kazarmanın uçması nəticəsində ağır yaralanaraq hər iki ayağını itirmişdi. Uzunmüddətli müalicə və reabilitasiyadan sonra o, idmana başlayıb, daha sonra isə alpinizmlə məşğul olub.

Everestdən əvvəl o, Elbrus, Manaslu, Ağrı, Kazbek, Kilimancaro və Akonkaqua kimi məşhur zirvələri fəth edib. Everest yürüşünə isə 2026-cı il aprelin 7-də başlayıb. Bir həftə davam edən çətin marşrut zamanı onu şerpalar və şəxsi bələdçilər müşayiət edib.

Fidan
Milli.Az