Dünya

Anasının və nənəsinin mirasının böyük hissəsini xərcləyib

6 May 2026 18:51
Baxış: 1 390
VTB-də minimal faiz dərəcəsi ilə nağd kredit 9.9%-dən
#BRİTANİYA

Britaniya şahzadəsi Harri anası Şahzadə Diana və nənəsi Kraliça II Yelezavetanın ona miras qoyduğu vəsaitin böyük hissəsini xərcləyib. 

Milli.Az qafqazinfo-ya istinadən xəbər verir ki, anası Diana Harriyə təxminən 10 milyon dollar (17 milyon AZN) miras qoyub. Bundan başqa, onun II Yelezavetanın nəticələri üçün təsis etdiyi trast fonduna çıxışı var. Harrinin 2024-cü ildə bu fonddan 7-8 milyon funt sterlinqədək (16-18.5 milyon AZN) vəsait aldığı iddia olunur. 

"People" jurnalının keçmiş redaktoru Den Ueykford bu vəsaitin əhəmiyyətli hissəsinin artıq xərcləndiyini müəyyən edib. 2020-ci ildə Britaniya kral ailəsi ilə münasibətləri kəsən Harri və həyat yoldaşı Meqan Marklın indi qənaət etmək məcburiyyətində qaldıqları bildirilir. Onların işçi heyətini 16 nəfərdən 5 nəfərə endirməsi də bununla əlaqələndirilir. 

Qeyd edək ki, 2020-ci ildə Şahzadə Harri və həyat yoldaşı Meqan Markl kral ailəsindəki rəsmi vəzifələrindən imtina edərək, ABŞ-yə köçmüşdülər. "Megxit" adlandırılan bu addımdan sonra Harri Opra Uinfriyə verdiyi müsahibədə kral ailəsini irqçilik, laqeydlik və psixoloji təzyiqdə ittiham etmişdi.

Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.