Dünya

Nyu-York hava limanında faciə: Çoxlu sayda ölü və yaralı var - Yenilənib - FOTO

23 Mart 2026 12:30

Baxış: 930

VTB-də minimal faiz dərəcəsi ilə nağd kredit 10.49%-dən

#HADİSƏ #HAVA LİMANI #ABŞ

"LaGuardia" hava limanında "Air Canada Express" təyyarəsinin yerüstü nəqliyyat vasitəsilə toqquşma nəticəsində pilotlar həlak olublar.

Milli.Az xəbər verir ki, bu barədə "NBC News" mənbələrə istinadən məlumat yayıb.

"Nyu-Yorkdakı "LaGuardia" hava limanında "Air Canada Express" təyyarəsi ilə yerüstü nəqliyyat vasitəsinin toqquşması nəticəsində təyyarənin iki pilotu həlak olub", - deyə məlumatda qeyd olunub.

XXX

ABŞ-da hava limanında baş verən qəza nəticəsində ölən və yaralananların olduğu bildirilir.

Milli.Az xəbər verir ki, hadisə LaGuardia Airport hava limanında qeydə alınıb.

Məlumata görə, Monrealdan gələn CRJ-900 tipli regional sərnişin təyyarəsi eniş zamanı uçuş-enmə zolağında olan yanğınsöndürən maşınla toqquşub.

Hadisədən sonra Federal Aviation Administration hava limanında bütün uçuşları müvəqqəti olaraq dayandırıb. Qəza səbəbindən gələn reyslərin bir hissəsi digər hava limanlarına yönləndirilib, bəziləri isə geri qaytarılıb.

Bildirilir ki, toqquşma nəticəsində təyyarənin burnu ciddi zədələnib.

Hadisə yerinə xilasedicilər və yanğınsöndürmə briqadaları cəlb olunub. Rəsmilər ölən və yaralananların dəqiq sayını hələ açıqlamayıblar.

Araşdırma aparılır.

Fidan
Milli.Az