Dünya

Qazaxıstanda qadın tualetdə uşaq doğub onu öldürdü

15 Avqust 2026 17:33

Baxış: 250

VTB-də minimal faiz dərəcəsi ilə nağd kredit 9.9%-dən

#HAMİLƏLİK #QAZAXISTAN

Qazaxıstanın Türküstan vilayətinin Sayram Rayon Məhkəməsində yeni doğulmuş körpəsini öldürməkdə təqsirləndirilən qadının cinayət işinə baxılıb. Məlumata görə, qadın hamiləliyini gizlədib və doğuşdan sonra körpəni köməksiz vəziyyətdə qoyub.

Milli.Az lent.az-a istinadən bildirir ki, məhkəmənin müəyyən etdiyinə görə, D. 2025-ci ilin aprelində kimliyi müəyyən edilməyən şəxslə cinsi əlaqədə olub və hamilə qalıb. Qadın hamiləliyini yaxınlarından gizlədib, tibbi qeydiyyata düşməyib və müayinələrdən keçməyib.

2025-ci ilin dekabrında Sayram rayonundakı evində, hamiləliyin doqquzuncu ayında olan qadın yaşayış evinin həyətindəki tualetdə uşağı sağ dünyaya gətirib.

Məhkəmənin məlumatına görə, qadın yeni doğulmuş körpəni tualetin çuxurunda qoyub və onun həyatını xilas etmək üçün heç bir addım atmayıb. Daha sonra doğuş faktını gizlətmək məqsədilə həyətdən daş və torpaq qarışığı olan qum götürərək körpənin üzərini örtüb.

Beləliklə, istintaq və məhkəmə qadının doğuş zamanı yeni doğulmuş uşağını qəsdən öldürdüyü qənaətinə gəlib.

Məhkəmədə qadın günahını tam etiraf edib. Prokuror onun 2 il müddətinə azadlığının məhdudlaşdırılmasını istəyib.

Məhkəmə qadını 2 il müddətinə azadlığın məhdudlaşdırılması cəzasına məhkum edib.

Hökm qanuni qüvvəyə minib.

Müəllif: Tural Hüseyn (Milli.Az redaktor)