Şou-biznes

Selena Qomez məhkəməyə verildi - Fırıldaqçılıqda ittiham olunur

15 Avqust 2026 14:55

Baxış: 284

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #MƏHKƏMƏ #MƏŞHURLAR #HOLLYWOOD #MÜĞƏNNİ

Amerikalı müğənni və aktrisa Selena Qomez, anası Mendi Tifi və iş qadını Daniella Pierson ilə birlikdə qurduğu ruhi sağlamlıq platforması "Wondermind Global" ilə bağlı məhkəmə iddiası ilə üzləşib.

Milli.Az xəbər verir ki, Delaver ştatında federal məhkəməyə müraciət edən beş investor Qomez və digər təsisçilərin şirkətin maliyyə vəziyyəti, inkişaf perspektivləri və planları barədə onları yanlış məlumatlandırdığını iddia edib. İnvestorlar 2022-ci ildə şirkətə ümumilikdə təxminən 1,2 milyon dollar yatırdıqlarını bildiriblər.

İddiaya görə, investorlara şirkətin korporativ tərəfdaşlıqlar quracağı, məşhurların iştirakı ilə layihələr hazırlayacağı və mobil tətbiq yaradacağı bildirilib. Lakin investorlar bu vədlərin böyük hissəsinin həyata keçirilmədiyini, şirkətin isə maliyyə və idarəetmə problemləri yaşadığını sonradan öyrəndiklərini söyləyiblər.

Sənədlərdə Qomezin şirkətin marketinq rəhbəri vəzifəsində öhdəliklərini tam yerinə yetirmədiyi, onun şirkətin inkişafında fəal iştirak edəcəyinə dair vədlərin də reallaşmadığı iddia olunur. Investorlar yatırdıqları vəsaitin geri qaytarılmasını, dəymiş zərərin və hüquqi xərclərin ödənilməsini tələb edirlər.

Qeyd edək ki, bunlar investorların məhkəmədə irəli sürdüyü iddialardır və hazırda məhkəmə tərəfindən sübuta yetirilməyib. Selena Qomez və digər tərəflərin iddialara münasibəti hələlik açıqlanmayıb.

Müəllif: Nərmin Mahmudova (Milli.Az müxbir)