Dünya

2 nəfəri öldürsə də, gözəlliyi heyran qoydu - FOTO

27 Fevral 2026 10:30

Baxış: 2 831

VTB-də minimal faiz dərəcəsi ilə nağd kredit 9.9%-dən

#MƏŞHURLAR #CİNAYƏT #CƏNUBİ KOREYA

Cənubi Koreyada iki nəfərin ölümü ilə bağlı həbs edilən 20 yaşlı qadın barəsində yayılan məlumatlar sosial mediada rezonans doğurub.

Milli.Az qafqazinfo-ya istinadən xəbər verir ki, qətldə şübhəli bilinən və mediada Kim Mo kimi təqdim olunan şəxsin fotosu internetdə yayıldıqdan sonra onun sosial şəbəkə hesablarına maraq kəskin artıb.

Belə ki, qadın iki kişiyə narkotik tərkibli maddə qatılmış içki verməkdə və nəticədə onların ölümünə səbəb olmaqda ittiham olunur. O, ifadəsində içkilərə maddə qarışdırdığını etiraf etsə də, onların öləcəyini gözləmədiyini bildirib.

Şübhəlinin sosial media hesabları "qətl şübhəlisi ifşa olunur" başlığı ilə paylaşıldıqdan sonra izləyici sayı qısa müddətdə 265-dən 10 minə yüksəlib. Paylaşımlara minlərlə şərh yazılıb. Rəylərin bir qismində qadın tənqid olunsa da, digər istifadəçilər onun azadlığa buraxılmasını tələb edib və hətta görünüşünə görə müdafiə ediblər.

İstintaq çərçivəsində qadının mesajlaşmaları da araşdırılıb. Bildirilir ki, o, narkotik və spirtli içki qarışığının təhlükələri barədə "ChatGPT" vasitəsilə sorğu aparıb və sistem tərəfindən bunun yüksək riskli olduğu barədə xəbərdarlıq alıb.

Faktla bağlı araşdırmalar davam etdirilir.

Milli.Az