Dünya

ABŞ-də təyyarə qəzaya uğradı - Göyərtəsində 8 nəfər olub

26 Yanvar 2026 11:20

Baxış: 307

VTB-də minimal faiz dərəcəsi ilə nağd kredit 10.49%-dən

#HADİSƏ #TƏYYARƏ #AVİAQƏZA

ABŞ-ın Men ştatının Banqor Beynəlxalq Hava Limanında 8 nəfərin olduğu şəxsi təyyarə qəzaya uğrayıb.

Milli.Az xəbər verir ki, FAA-nın (Federal Aviasiya Administrasiyası) məlumatına görə, "Bombardier Challenger 650" tipli biznes təyyarəsi bazar günü axşam saatlarında Banqor şəhərindən havaya qalxarkən qəzaya düşüb. Hadisə zamanı təyyarədə olan şəxslərin xəsarət alıb-almaması ilə bağlı hələlik dəqiq məlumat verilməyib.

Hava limanı rəhbərliyi bildirib ki, təcili yardım briqadaları hadisə yerinə yerli vaxtla saat 19:45 radələrində cəlb olunub və ərazidə fövqəladə əməliyyat mərkəzi yaradılıb. Qəza səbəbindən Banqor Beynəlxalq Hava Limanı müvəqqəti olaraq bağlanıb.

Qəzanın güclü qar fırtınası, zəif görünürlük və buzlanma şəraitində baş verdiyi qeyd olunur.

Hadisə ilə bağlı araşdırma başlanıb.

Fidan
Milli.Az