Dünya

Məşhur modelyer Valentino 93 yaşında vəfat etdi - FOTO

19 Yanvar 2026 21:49

Baxış: 1 199

VTB-də minimal faiz dərəcəsi ilə nağd kredit 9.9%-dən

#MODA

İtaliya moda əfsanəsi Valentino Qaravani 93 yaşında vəfat edib.

Milli.Az xəbər verir ki, 1932-ci ildə İtaliyanın şimalındakı Voqera şəhərində doğulan Valentino sənətin sirlərini Parisin yüksək moda emalatxanalarında öyrənib. 1959-cu ildə Romada öz moda evini quran dizayner, qısa müddətdə yaratdığı qırmızı donları ilə şöhrət qazandı. Onun istifadə etdiyi parlaq al-qırmızı çalar moda sənayesində o dərəcədə imza rənginə çevrildi ki, artıq "Valentino qırmızısı" kimi tanınmağa başladı.

1960-cı ildə o, uzunmüddətli iş ortağı (və 12 il boyunca həyat yoldaşı) olan gənc memarlıq tələbəsi Cankarlo Ciammetti ilə tanış oldu. Onlar birlikdə "Valentino SpA" şirkətini beynəlxalq səviyyədə tanınan bir brendə çevirdilər.

Valentinonun ilk məşhur müştərilərindən biri 1960-cı illərin əvvəllərində Romada "Kleopatra" filminin çəkilişləri zamanı tanış olduğu aktrisa Elizabet Teylor idi. Onun digər nüfuzlu müştəriləri arasında Odri Hepbern, Belçika kraliçası Paola və 1968-ci ildə yunan maqnatı Aristotel Onassis ilə toyunda Valentino donu geyinən Jaklin Kennedi var idi.

Onun populyarlığı sonrakı onilliklərdə də artmağa davam edir:

1970-ci illər: Nyu-Yorkda Endi Uorhol və "Vogue" redaktoru Diana Vriland kimi sənət dünyasının simaları ilə əhatə olunur.

1990-cı illər: Klaudiya Şiffer və Naomi Kempbell kimi supermodellərin sevimlisi olur.

Valentino 45 ildən çox fəaliyyətdən sonra 2008-ci ildə təqaüdə çıxır. Parisdəki vida nümayişinin sonunda bütün modellər eyni rəngli "Valentino qırmızısı" donlarla podiuma çıxırlar.

Ondan sonra moda evinə Mariya Qrasiya Kyuri, Pyerpaolo Piççoli və hazırda isə Alessandro Mikele kimi tanınmış dizaynerlər rəhbərlik ediblər.

Lalə Qüdrətova
Milli.Az