Dünya

120 min kameranın kodu ələ keçirildi - Özəl görüntülər satışa çıxarıldı: Bakıda da satılır

2 Dekabr 2025 12:34

Baxış: 90

VTB-də minimal faiz dərəcəsi ilə nağd kredit 10.49%-dən

#MARAQLI #CƏMİYYƏT #CƏNUBİ KOREYA

Cənubi Koreyada 120 min ev kamerası heklənib, şəxsi görüntülər satışa çıxarılıb.

Milli.Az xəbər verir ki, Cənubi Koreyada minlərlə ev və iş yerində quraşdırılan IP kameraların ələ keçirilməsi ölkədə ciddi məxfilik qalmaqalı yaradıb.

Kiberhücum nəticəsində 120 min kameradan qeydə alınmış intim xarakterli görüntülər oğurlanaraq internetdə pul qarşılığında satılıb.

Hadisə ilə bağlı dörd nəfər həbs edilib, üç nəfər isə istintaqa cəlb olunub. Kiberhücumların zəif təhlükəsizlik müdafiəsinə malik kamera modelləri üzərindən həyata keçirildiyi və həmin modellərin digər ölkələrdə də geniş istifadə olunduğu açıqlanıb.

Məlumata görə, hücum edənlərdən biri təkbaşına 63 min kameraya, digəri isə 70 min kameraya giriş əldə edib. Oğurlanan videoların kriptovalyuta qarşılığında satıldığı təsdiqlənib.

Rəsmilər video görüntüləri ələ keçirilən şəxslərə xəbərdarlıq edərək, kamera parollarını dərhal dəyişdirməyi tövsiyə ediblər.

Qeyd edək ki, sözügedən kameralar Bakıda da satılır. Ev heyvanlarına nəzarət, uşaq izləmə və iş yerlərində təhlükəsizlik məqsədilə istifadə olunan IP kameraların internetə bağlı olması onları kiberhücum üçün hədəfə çevirir. Daha ucuz modellərdə təhlükəsizlik sistemlərinin zəif olması təhlükəni artırır.

İsmayıl
Milli.Az