Dünya

Tramp Ukrayna üçün hesabı Avropaya ödətdirəcək - Yeni siyasətin detalları

2 Noyabr 2025 09:46

Baxış: 956

VTB-də minimal faiz dərəcəsi ilə nağd kredit 9.9%-dən

#DÜNYADA #RUSİYA #UKRAYNA #AVROPA #MÜHARİBƏ #ABŞ

ABŞ Prezidenti Donald Trampın Ukrayna ilə bağlı mövqeyi getdikcə daha aydın şəkildə formalaşır.

Milli.Az xəbər verir ki, "The Telegraph"ın məlumatına görə, Trampın siyasətinin əsas məqsədi Vaşinqtonun Kiyevi maliyyələşdirməkdən imtina etməsi və bu yükü əsasən Avropa ölkələrinin üzərinə yönəltməsidir.

Nəşrin yazdığına görə, Trampın Ukrayna siyasəti bir neçə aydın prinsiplərə əsaslanır: ABŞ Rusiyanın münaqişədə qalib gəlməsinə imkan verməyəcək, lakin eyni zamanda Konqres Kiyevə yeni milyardlarla dollar dəyərində yardım paketlərini təsdiqləmək məcburiyyətində qalmayacaq.

"The Telegraph" qeyd edir ki, Tramp Avropanın Ukraynaya dəstəyin əsas maliyyə yükünü öz üzərinə götürəcəyinə ümid edir. Onun planına görə, ABŞ artıq Kiyevə silahları "hədiyyə" kimi verməyəcək, onları kommersiya şərtləri ilə satacaq.

Britaniyanın keçmiş xarici işlər naziri Ceremi Hant qəzetə açıqlamasında bildirib:

"Tramp anlayır ki, Ukraynanın məğlubiyyətinə göz yuma bilməz. Bu, onun günahlandırılmaq qorxusundan deyil, daha çox geosiyasi zərurətdən irəli gəlir."

Hantın sözlərinə görə, Tramp nə Ukrayna münaqişəsindən, nə də digər beynəlxalq böhranlardan tam şəkildə uzaqlaşmaq niyyətində deyil, çünki "ondan daha çox beynəlxalq məsələlərə cəlb olunan prezident tapmaq çətindir".

Eyni zamanda, nəşr vurğulayıb ki, Trampın Rusiyaya qarşı tətbiq etdiyi son sanksiyalar onun iqtisadi təzyiqləri artırmaqda qərarlı olduğunu göstərir. Qəzetin fikrincə, bu baxımdan Tramp əvvəlki prezident Co Baydendən daha sərt addımlar atmağa hazır görünür.

Kənan
Milli.Az