Dünya

Netanyahu xəstələndi – evdən çıxmağı qadağan edildi

15 Oktyabr 2025 20:55
Baxış: 1 480
VTB-də minimal faiz dərəcəsi ilə nağd kredit 9.9%-dən
#İSRAİL

İsrailin Baş naziri Benyamin Netanyahu nəfəs yolu infeksiyasına yoluxduğu üçün bütün rəsmi görüşlərini ləğv edib. Baş nazirlikdən verilən açıqlamada, Netanyahuya həkimləri tərəfindən evdə istirahət etməsi tövsiyə edildiyi bildirilib.

Milli.Az xəbər verir ki, Netanyahu bu səhər Tel-Əviv Regional Məhkəməsində korrupsiya işi üzrə ifadə verərkən səhhətindən şikayət edərək bugünkü iclasın dayandırılmasını tələb edib.

Netanyahunun dünən HƏMAS tərəfindən azad edilən İsrailli girovlarla görüşməsi, bu gün isə xəstəliyi əsas gətirərək bütün proqramlarını ləğv etməsi ölkədə etirazlara səbəb olub. Yedioth Ahronoth qəzeti yazır: "Əgər xəstə idisə, niyə siyasi görüntü naminə girovlarla görüşə getdi?"

Qəzetlər və ictimaiyyət Netanyahuya qarşı sərt çıxışlar edir. Xüsusilə də Qəzzadakı girovların ailələri daha əvvəl atəşkəs danışıqlarını pozduğuna görə Netanyahuya qarşı narazılıqlarını bildirirdilər. Atəşkəs və əsir mübadiləsi razılaşmasından sonra isə həm ailələrin, həm də hökumətdaxili ifrat sağçı tərəfdaşların tənqidləri daha da güclənib.

Lalə Qüdrətova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.