Dünya

Xalq etiraz etdi, qadağa ləğv edildi - FOTO

9 Sentyabr 2025 16:15

Baxış: 1 171

VTB-də minimal faiz dərəcəsi ilə nağd kredit 9.9%-dən

#DÜNYADA #NEPAL #RABİTƏ

Nepal ölkədə baş verən kütləvi etirazlar və təhlükəsizlik qüvvələrinin 19 nəfəri öldürməsindən sonra sosial media qadağasını aradan qaldırıb.

Milli.Az xəbər verir ki, Nazirlər Kabinetinin sözçüsü və Rabitə və İnformasiya Texnologiyaları Naziri Prithvi Subba Gurung çərşənbə axşamı səhər saatlarında hökumətin keçən həftə tətbiq edilən qadağanı ləğv etdiyini açıqlayıb.

Gurung "Biz sosial medianın fəaliyyətini dayandırmışıq. Onlar artıq işləyir," deyib. Bu qadağa hökumətin dezinformasiya, fırıldaqçılıq və nifrət nitqi ilə mübarizə aparmaq məqsədilə "WhatsApp", "Facebook", "Instagram", "LinkedIn" və "YouTube" daxil olmaqla 26 platformanı əhatə edirdi. Əsasən gənc yetkinlərin və tələbələrin iştirakı ilə "Gen Z" etirazları adlandırılan aksiyalarda minlərlə insan bazar ertəsi Katmandu və digər böyük şəhərlərdə toplaşaraq korrupsiya, ağır iqtisadi vəziyyət və sosial media qadağasına qarşı çıxış edib.

Parlament kompleksinə daxil olmağa cəhd edən etirazçılara qarşı polisin odlu silah, gözyaşardıcı qaz, rezin güllə, su şırnaqları və dəyənəklərdən istifadə etməsi Katmandudakı hadisələri ölümcül həddə çatdırdı. Nəticədə Katmanduda 17, İtahari şəhərindəki başqa bir etirazda isə iki nəfər olmaqla, ümumilikdə 19 nümayişçi həyatını itirdi. Bütün ölkə üzrə 100-dən çox insan, bəzi hesablamalara görə isə 400-ə qədər şəxs, o cümlədən polis əməkdaşları yaralanıb.

Fidan
Milli.Az