Dünya

Bu ölkənin daxili işlər nazirinə içində 3 güllə olan məktub GÖNDƏRDİLƏR - FOTOlar

30 Avqust 2025 16:26

Baxış: 1 380

VTB-də minimal faiz dərəcəsi ilə nağd kredit 9.9%-dən

#DÜNYADA #SERBİA

Serbiya hökumətinin binasında içərisində güllələr olan zərf tapılıb və bu, ölkənin daxili işlər nazirli İvitsa Daçiç üçün göndərilib.

Milli.Az-ın xəbərinə görə, bu barədə Serbiya DİN-in Mətbuat Xidmətindən məlumat verilib.

Məlumata görə, poçt göndərişi Pojarevats şəhərindəki "Serbiya poçtları" şöbəsindən həyata keçirilib.

"Polis poçt göndərişini təhvil verən şəxsi müəyyənləşdirərək tapıb, hadisənin tam araşdırılması istiqamətində işlər davam etdirilir", - deyə məlumatda bildirilib.

Məktubu göndərənin kimliyi açıqlanmayıb. Naziri təhdid edən insident Serbiya daxilində siyasi böhranın kəskinləşməsi fonunda baş verib.

Qeyd edək ki, Serbiyada ötən il noyabrın 1-də Novi-Sadda dəmiryol vağzalında tavanın uçmasından sonra tələbələr və müxalifət qüvvələrinin kütləvi etirazları başlayıb. İlkin olaraq sosial problemlərdən qaynaqlanan etirazlar tezliklə açıq-aşkar siyasi xarakter alıb, iştirakçılar təcili şəkildə növbədənkənar parlament seçkilərinin keçirilməsini və hazırkı nazirlər kabinetinin istefasını tələb ediblər.

Etirazlar avqustun 18-də Belqrad, Novi-Sad və digər şəhərlərdə "Harada qalmışdıq?" şüarı altında yenidən başlayıb. KİV-də nümayişçilərin, həmçinin Novi-Pazarda Çernoqoriyaya gedən magistral yolu bağladıqları bildirilib. /Oxu.Az

Milli.Az