Dünya

İranda nüvə obyektlərində radioloji və kimyəvi çirklənmə aşkarlandı

14 İyun 2025 00:10

Baxış: 1 424

VTB-də minimal faiz dərəcəsi ilə nağd kredit 9.9%-dən

#DÜNYADA #IRAN #İSRAİL

Atom Enerjisi üzrə Beynəlxalq Agentliyin (AEBA) baş direktoru Rafael Qrossi İranın Natənzdə yerləşən nüvə obyektlərində radioloji və kimyəvi çirklənmə aşkar olunduğunu açıqlayıb.

BMT-nin iclasında çıxış edən Qrossi bildirib ki, aşkarlanmış çirklənmə radiasiya müdafiəsi tədbirləri ilə nəzarətdə saxlanılır. Onun sözlərinə görə, AEBA vəziyyəti yaxından izləyir və obyektlərin təhlükəsizliyinin qorunması məqsədilə İrana ekspert heyəti göndərməyə hazırdır.

"Nüvə obyektləri heç vaxt hücuma məruz qalmamalıdır. AEBA olaraq biz bu obyektlərin tam qorunmasını təmin etmək və onların yalnız sülh məqsədləri ilə istifadəsini davam etdirmək niyyətindəyik", - deyə Qrossi vurğulayıb.

Milli.Az