Dünya

Bu ayaqqabı markasının satışı qadağan edildi - Nazirlikdən xəbərdarlıq - FOTO

12 İyun 2025 17:14

Baxış: 1 538

VTB-də minimal faiz dərəcəsi ilə nağd kredit 10.49%-dən

#MAĞAZA #TİCARƏT

Ticarət Nazirliyi vətəndaşların sağlamlığını təhlükəyə atan məhsullarla bağlı yeni siyahı açıqlayıb.

Milli.Az xəbər verir ki, son yoxlamaların nəticələrinə əsasən, bir sıra məhsullar bazardan çıxarılacaq və satışları qadağan ediləcək. Siyahıya məşhur ayaqqabı markası da daxil edilib.

Təhlükəsiz Məhsul Məlumat Sistemi (GÜBİS) vasitəsilə yayılan məlumata görə, sağlamlıq üçün risk daşıyan məhsullar arasında SVM markalı ayaqqabılar da var. Nazirliyin məlumatında qeyd olunur ki, bu məhsullar zərbəyə davamlılıq testindən keçsə də, yanıq və yaralanma riski daşıyır.

Məhz bu səbəbdən, "Ayaq Qoruyucuları - Ayaqqabılar" kateqoriyasına daxil olan həmin məhsullar 11 iyun 2025-ci il tarixli bildiriş əsasında GÜBİS-in rəsmi siyahısına əlavə edilib. Ayaqqabıların bazara çıxarılması qadağan edilib və geri çağırılması qərara alınıb.

Ticarət Nazirliyi istehlakçıları ehtiyatlı olmağa və zərərli məhsullarla bağlı məlumatlı davranmağa çağırır.

Fidan
Milli.Az