Dünya

Moskvadakı təzyiqlər səbr kasasını daşırdı – Daşkənddən RƏSMİ NOTA

11 İyun 2025 09:33

Baxış: 1 545

VTB-də minimal faiz dərəcəsi ilə nağd kredit 10.49%-dən

#RUSİYA #ÖZBƏKİSTAN

Özbəkistan Xarici İşlər Nazirliyi Rusiya ərazisində ölkə vətəndaşlarına qarşı artan təzyiq və hörmətsiz münasibətlə bağlı ciddi narahatlıq ifadə edib.

Milli.Az xəbər verir ki, nazirliyin sözçüsü Ahror Burxanovun verdiyi məlumata görə, Moskvada yaşayan və işləyən özbək vətəndaşlarına qarşı əsassız yoxlamalar, kobud rəftar və ləyaqətsiz münasibət artıq diplomatik səviyyədə müzakirəyə çıxarılıb.

Daşkənd Rusiya Xarici İşlər Nazirliyinə rəsmi nota göndərərək bu kimi halların təcili dayandırılmasını tələb edib. Bildirilib ki, bu cür münasibət iki ölkə arasında illərdir qurulan dostluq və əməkdaşlıq ruhuna tamamilə ziddir.

Burxanov əlavə edib ki, Özbəkistan dövləti xaricdə olan vətəndaşlarının hüquq və təhlükəsizliyini prioritet məsələ hesab edir və bu istiqamətdə zəruri addımlar atmaqda israrlıdır:

"Özbəkistan tərəfi bütün vətəndaşlara münasibətdə beynəlxalq hüquq və insan haqlarına riayət olunmasını tələb edir. Rusiyadakı təzyiqlər dayandırılmalı, məsul qurumlar isə bu cür halların qarşısını almaq üçün konkret tədbirlər görməlidirlər".

XİN rəsmisi onu da qeyd edib ki, məsələ daim nəzarətdə saxlanılacaq və vəziyyət dəyişməzsə, Özbəkistan əlavə diplomatik və hüquqi addımlar atmağa hazırdır.

Kənan
Milli.Az