Dünya

Zelenski uzun müddət sonra ilk dəfə kostyum geyindi - FOTO

29 May 2025 13:27

Baxış: 2 145

VTB-də minimal faiz dərəcəsi ilə nağd kredit 9.9%-dən

#DÜNYADA #RUSİYA-UKRAYNA MÜHARİBƏSİ

Zelenski uzun müddət sonra ilk dəfə kostyum geyinib.

Milli.Az xəbər verir ki, Ukrayna Prezidenti Volodimir Zelenski Almaniya kansleri Fridrix Merslə Berlində görüşüb. Görüşdə Ukrayna-Rusiya müharibəsində son vəziyyət və Almaniyanın hərbi dəstəyi müzakirə olunub.

Zelenskinin bu görüşdəki geyimi diqqət çəkib. ABŞ Prezidenti Donald Trampla da daxil olmaqla indiyədək heç bir rəsmi görüşə klassik kostyumla qatılmayan Zelenski bu dəfə ilk dəfə olaraq qara köynək və qara pencək geyinib. Lakin ayaqqabı olaraq yenə idman ayaqqabısına üstünlük verib.

Müşahidəçilər bu jesti "qarşılıqlı hörmət" əlaməti kimi qiymətləndiriblər. Bəzi iddialara görə, kansler Mersin Ukrayna üçün raketlərin uçuş məsafəsinə qoyulan məhdudiyyəti aradan qaldırması bu dəyişikliyə səbəb olub.

Görüş zamanı Mers Ukrayna ilə Almaniyada silahların birgə istehsalına başlamaq qərarını açıqlayıb. O bildirib ki, uzun mənzilli silahların təmin olunması və ortaq istehsal üçün konkret razılaşmalar əldə olunub, lakin detallar ictimaiyyətlə paylaşılmayacaq.

Zelenski isə Almaniya ilə dronlar da daxil olmaqla Ukraynada silah istehsalı üçün müqavilələr bağlandığını, yeni layihələrin artıq hazırlandığını və yalnız lazım olan miqdarda istehsala üstünlük verəcəklərini deyib. Bu səfər bu ay Ukrayna və Rusiya arasında keçirilməsi planlaşdırılan danışıqlardan əvvəl baş tutub.

İslam
Milli.Az