Dünya

Finlandiyada helikopterlər toqquşdu - ölənlər var

17 May 2025 22:55

Baxış: 950

VTB-də minimal faiz dərəcəsi ilə nağd kredit 9.9%-dən

#FİNLAND #AVİAQƏZA

Finlandiyanın qərbində yerləşən Eura bölgəsində iki helikopterin havada toqquşaraq yerə düşməsi nəticəsində bir neçə nəfər həlak olub. Bu barədə Finlandiya polisi məlumat yayıb.

Polisin verdiyi açıqlamaya görə, ümumilikdə 5 nəfər daşıyan iki helikopter toqquşduqdan sonra yerə çırpılıb və qəza bir neçə nəfərin ölümü ilə nəticələnib. Hazırda dəqiq ölənlərin sayı və şəxsiyyətləri müəyyənləşdirilir.

Qəzanın baş verdiyi bölgə, aprel ayının sonunda Finlandiya Ordusunun yaz təlimləri çərçivəsində Britaniya helikopter eskadronlarının yerləşdirildiyi ərazidir. Lakin Finlandiya Baş Qərargahının sözçüsü qəzanın nə Finlandiya Hərbi Hava Qüvvələrinə, nə də beynəlxalq hərbi kontingentə aid olan hava vasitələri ilə əlaqəsinin olmadığını təsdiqləyib.

Mətbuatda yer alan xəbərlərə görə, helikopterlər Estoniyadan havaya qalxıblar və sərnişinlər iş adamları olub. Helikopterlərdən birində 3 nəfər, digərində isə 2 nəfər olub.

Lalə Qüdrətova
Milli.Az