Dünya

Fransada polislər yazıçının evinə basqın etdi - Kitabında hakimiyyəti ifşa etmişdi - FOTO

14 May 2025 12:44

Baxış: 329

VTB-də minimal faiz dərəcəsi ilə nağd kredit 10.49%-dən

#DÜNYADA #HADİSƏ #FRANSA #KİTAB

Fransada baş verən hadisə ölkə ictimaiyyətində və mediada ciddi rezonans doğurub.

Milli.Az fransız mediasına istinadla xəbər verir ki, müstəqil yazıçı və jurnalist Pyer Jovanoviçin şəxsi evinə və ona məxsus "Le Jardin des Livres" nəşriyyatına xüsusi təyinatlı qüvvələr tərəfindən gecə saatlarında basqın edilib. Rəsmi səbəb kimi "həyatının qorunması" göstərilsə də, müşahidəçilər və Jovanoviçin özü bu addımı "susdurma əməliyyatı" adlandırır.

Yazıçının bildirdiyinə görə, əməliyyatda GIPN, BAC (cinayətkarlıqla mübarizə briqadası), polis komissarları, yanğınsöndürənlər və prefektura əməkdaşları iştirak edib. Gecə saatlarında həyata keçirilən bu genişmiqyaslı əməliyyat həm onun evinə, həm də nəşriyyat ofisinə yönəlib.

Yazıçının fikrincə, basqına səbəb onun son yazdığı kitabı olub.

"2008" adlı kitabı niyə qorxu yaradır?

Jovanoviçin yeni kitabı 2008-ci il maliyyə böhranı və onun günümüzə qədər olan nəticələrinə toxunur. Kitabdakı ifşaedici məqamlar bəzi dairələri narahat edib. Bu səbəbdən də onun sözünü kəsmək üçün belə bir addım atılıb.

Yazıçı isə geri çəkilmək niyyətində deyil: "Onlar qapıları sındıra bilərlər, amma qələmi susdura bilməzlər," - deyə Jovanoviç bildirib.

Onun sözlərinə görə, kitab planlaşdırıldığı kimi satışa çıxacaq.

Hadisədən sonra yazıçıya alternativ medianın nümayəndələri, vətəndaş cəmiyyəti fəalları və bir çox tanınmış şəxsiyyətlər dəstək ifadə edib.

Jovanoviçin "2008" adlı yeni kitabının bu qalmaqaldan sonra daha geniş auditoriya tərəfindən maraqla qarşılanacağı gözlənilir. Kitab artıq öncədən sifariş üçün açıqdır.

Fidan
Milli.Az