Dünya

ABŞ və Çin ticarət müharibəsində ATƏŞKƏS

12 May 2025 12:50
Baxış: 906
VTB-də minimal faiz dərəcəsi ilə nağd kredit 9.9%-dən
#DÜNYADA #ÇİN #ABŞ #TİCARƏT

ABŞ və Çin arasında uzun müddətdir davam edən ticarət müharibəsi İsveçrədə iki gün davam edən gərgin danışıqlardan sonra böyük dönüş nöqtəsinə çatıb.

Milli.Az xəbər verir ki,tərəflər qarşılıqlı olaraq tətbiq etdikləri yüksək gömrük rüsumlarının böyük bir hissəsini 90 gün müddətinə dayandıracaqlarını açıqlayıblar.

Danışıqlardan sonra verilən ortaq açıqlamaya görə, Çin tərəfi ABŞ-dan idxal edilən məhsullara tətbiq edilən vergini 125 faizdən 10 faizə, ABŞ administrasiyası isə Çin məhsullarına tətbiq edilən vergini 145 faizdən 30 faizə endirib.

Bu qarşılıqlı endirimlər 90 gün ərzində qüvvədə olacaq.

Bununla belə, ABŞ-ın bəzi məhsullara, xüsusən də fentanil və oxşar təhlükəli maddələrə aid etdiyi əlavə vergi qaydaları qüvvədə qalacaq.

Birgə bəyannamədə həmçinin vurğulanıb ki, tərəflər iqtisadi və ticari əlaqələri davamlı olaraq qiymətləndirəcəkləri yeni və daimi dialoq mexanizmi yaradacaqlar.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.