Dünya

Rusiyada Trampın bu bəyanatını müsbət qiymətləndirdilər

14 Aprel 2025 11:05

Baxış: 871

VTB-də minimal faiz dərəcəsi ilə nağd kredit 9.9%-dən

#RUSİYA #ABŞ

Rusiyalı politoloq Sergey Markov ABŞ Prezidenti Donald Trumpın Sumada zərbə ilə bağlı bəyanatını Rusiya üçün müsbət hesab edib.

Milli.Az xəbər verir ki, o, bu barədə "Telegram" kanalında paylaşım edib.

Markov qeyd edib ki, amerikalı lider Ukraynadakı bütün münaqişəni dəhşətli adlandırıb. Tramp, mövcud vəziyyətdə günahkarın özündən əvvəlki prezident - Co Bayden olduğunu hesab edir.

"Bu zərbəni səhv adlandırdı, "onların səhvi" dedi. (...) Kontekstdən çıxış edərək - bu, Rusiya səhvi idi, amma birbaşa Rusiyanı günahkar olaraq adlandırılmadı, - Markov öz postunda diqqətə çatdırıb.

Bundan əvvəl Trump Sumadakı zərbə ilə bağlı jurnalistlərlə söhbət edərkən "Air Force One" təyyarəsinin göyərtəsində fikirlərini bildirib. O, bütün bunların dəhşətli olduğunu vurğulayıb.

13 aprel tarixində Ukrayna prezidenti Vladimir Zelenski Sumada baş vermiş zərbə nəticəsində 34 nəfərin həyatını itirdiyini və bir çox insanın müxtəlif dərəcəli xəsarətlər aldığını bildirib.

Kənan
Milli.Az