Dünya

Öz toyunda yerə pul səpən bəy həbs olundu

9 Aprel 2025 08:51
Baxış: 1 210
VTB-də minimal faiz dərəcəsi ilə nağd kredit 9.9%-dən
#DÜNYADA

Nigeriyada toyda ətrafa pul atan bəy həbs edilib.

Milli.Az xarici mediaya istinadla bildirir ki, Nigeriya məhkəməsi Abdullah Musa Hüseyni ölkənin valyutanın qorunması qanununu pozduğuna görə 6 ay həbs cəzasına məhkum edib. İstintaqın məlumatına görə, həmin şəxs toyunda qonaqların qarşısına əskinas atıb.

Bu, nigeriyalıların 2007-ci ildən bəri ölkədə qadağan edilmiş ənənəvi "pul səpilməsi" adlanan cinayətə görə son aylarda mühakimə olunduğu üçüncü işdir. İqtisadi və Maliyyə Cinayətləri Komissiyasının məlumatına əsasən, Hüseyni toy mərasimi zamanı təxminən 100-1000 naira əskinas səpələyib.

Kano federal məhkəməsinin hakimi bəyin hərəkətlərini milli valyutanın qəsdən aşağı salması kimi qiymətləndirib. Məbləğin nisbətən az olmasına baxmayaraq, məhkəmə qanunla nəzərdə tutulmuş maksimum cəza təyin edib.

Rəqs edən qonaqlara pul atmaq ənənəsi uzun müddətdir ki, Nigeriya toylarının və digər bayramların ayrılmaz hissəsi olub. Lakin hakimiyyət bu praktikanı təhqiramiz hesab edərək qadağan edib. /lent.az

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.