Dünya

İsa Məsihin məzarı tapılıb? - Arxeoloqlardan tarixi kəşf

9 Aprel 2025 07:01

Baxış: 1 521

VTB-də minimal faiz dərəcəsi ilə nağd kredit 9.9%-dən

#MARAQLI #DİN #TARİX

Arxeoloqlar Hz. İsanın çarmıxa çəkilməsi və dəfn edilməsi ilə bağlı İncil qeydlərini dəstəkləyən yeni dəlillər tapdıqlarını bildiriblər.

Milli.Az xəbər verir ki, bu iddia bütün dünyada milyonlarla insanın maraqla izlədiyi müzakirələrə yeni nəfəs verib.

İtaliyanın Romadakı Sapienza Universitetindən bir qrup arxeoloq Yerusəlim yaxınlığında apardıqları qazıntılar zamanı 2 min il əvvələ aid fosilləşmiş zeytun və üzüm bitkiləri tapıblar. Bu tapıntı İncilin Yəhya 19:41 ayəsində bəhs edilən, İsanın dəfn edildiyi "bağ"ın mövcudluğuna dair əhəmiyyətli sübut kimi dəyərləndirilir.

Tədqiqatın rəhbəri, arxeoloq Francesca Romana Stasolla bildirib ki, qazıntılar təkcə dini bir məkanın deyil, həm də bu inanca sahib insanların tarixi izlərini ortaya çıxarır:

"İnsan Müqəddəs Qəbirin tarixi gerçəkliyinə inanıb-inanmamasının fərqi yoxdur. Bu, nəsillər boyu yaşadılan bir inancın izidir".

Hal-hazırda Pasxa bayramı qeyd olunduğuna görə qazıntılara fasilə verilib. Arxeoloqlar bayramdan sonra işlərinə davam edəcəklərini və ərazinin qədim tarixini daha da dərindən araşdıracaqlarını açıqlayıblar.

Bu kəşf Hz. İsanın dəfn yerinə dair mübahisələrə yeni elmi baxış bucağı gətirə bilər.

Fidan
Milli.Az