Dünya

Netanyahu Trampla görüşəcək - Bu məsələ müzakirə olunacaq

7 Aprel 2025 11:00

Baxış: 670

VTB-də minimal faiz dərəcəsi ilə nağd kredit 9.9%-dən

#DÜNYADA #MARAQLI #İSRAİL #ABŞ #DONALD TRAMP

İsrailin baş naziri Binyamin Netanyahu Macarıstana etdiyi dörd günlük səfərini başa vuraraq ABŞ-a yola düşüb.

Milli.Az xarici mediaya istinadla xəbər verir ki, Netanyahu bu gün Vaşinqtonda ABŞ prezidenti Donald Trampla görüşəcək.

Səfərdən əvvəl açıqlama verən Netanyahu görüşdə müzakirə ediləcək əsas məsələləri açıqlayıb: "Mən girov məsələsini, Qəzzadakı vəziyyəti və İsrailin də təsirləndiyi gömrük rejimini müzakirə edəcəyəm."

İsraillə ABŞ arasında 40 il əvvəl imzalanan azad ticarət müqaviləsinə əsasən, İsrail ABŞ məhsullarının 98 faizinə rüsum tətbiq etmir. Lakin Tramp administrasiyası qlobal gömrük rüsumlarını artırdıqdan sonra İsrail də bu siyahıya daxil edilib və bəzi məhsullara 17 faiz əlavə rüsum tətbiq olunmağa başlanıb.

Netanyahu bu tarifləri ilk müzakirə edən lider olduğunu qeyd edib. İsrail rəsmilərinin bildirdiyinə görə, Trampın dəvəti Netanyahu bu məsələni gündəmə gətirdikdən sonra gəlib.

Tramp da məsələ ilə bağlı açıqlamasında bildirib: "Ticarətdən danışacağıq və bəlli olanlardan. Bilirsiniz, bəlli olan nədir? Hər şeyi sakitləşdirmək üçün ticarət etməyə çalışırıq" .

Milli.Az