Dünya

Cənubi Koreyada yeni prezident bu tarixdə seçiləcək

7 Aprel 2025 08:59
Baxış: 767
VTB-də minimal faiz dərəcəsi ilə nağd kredit 9.9%-dən
#CƏNUBİ KOREYA

Koreya Respublikasının hakimiyyət orqanları növbədənkənar prezident seçkilərini iyunun 3-nə təyin etmək niyyətindədir.

Milli.Az xəbər verir ki, məlumatı "Yonhap" agentliyi hökumətdəki mənbələrə istinadən yayıb.

Bildirilir ki, seçkilərin keçirilməsi ilə bağlı məsələ Nazirlər Kabinetinin aprelin 8-də planlaşdırılan iclasında qaldırılacaq. "Seçkilərin tarixini müəyyən etmək üçün Nazirlər Kabinetinin iclasının keçirilməsinin vacibliyini bildirən dəqiq hüquqi normalar yoxdur. Amma bu, səsvermə günü müvəqqəti istirahət gününün olmasını tələb edəcək mühüm məqam olduğundan, bu məsələ Nazirlər Kabinetinin iclasında müzakirə olunacaq", - mənbə bildirib.

Cənubi Koreya mediası daha əvvəl xəbər vermişdi ki, növbədənkənar prezident seçkilərinin tarixi, ehtimal ki, kabinet üzvlərinin iclasından sonra aprelin 8-də elan olunacaq. Koreya Respublikası Prezidentinin səlahiyyətlərini icra edən Baş Nazir Han Deok Su prezidentin vəzifəsindən kənarlaşdırılmasından sonra 10 gün ərzində - aprelin 14-dək tarix təyin etməlidir. (Musavat.com)

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.