Dünya

Medvedev Makronu ələ saldı – adını belə yazdı

6 Mart 2025 15:21

Baxış: 902

#DÜNYADA #RUSSİA #FRANCE

Rusiya Təhlükəsizlik Şurasının sədr müavini Dmitri Medvedev Fransa Prezidenti Emmanuel Makronun Moskvanın Paris və bütün Avropa üçün "təhdid"ə çevrildiyi barədə sözlərinə reaksiya verib.

Milli.Az xəbər verir ki, o, sosial şəbəkə hesabında fikirlərini bölüşüb.

"Makron deyib ki, Rusiya indi və uzun illər ərzində Fransa və ümumilikdə Avropa üçün təhlükəyə çevrilib. "Mikron" özü isə böyük təhlükə yaratmır. O, 2027-ci il mayın 14-dən gec olmayaraq əbədi olaraq yox olacaq. Heç kim də darıxmayacaq", - deyə Medvedev bildirib.

Qeyd edək ki, Emmanuel Makron 2022-ci ilin yazında ikinci müddətə yenidən prezident seçilib. Onun səlahiyyət müddəti 2027-ci ildə başa çatır. /Globalinfo.az

Milli.Az