Dünya

Amerikalılar ölkədən qaçır - Britaniyaya müraciət rekord həddə çatdı

4 Mart 2025 14:55

Baxış: 678

#ABŞ #DONALD TRAMP #BRİTANİYA

Donald Trampın hakimiyyətə gəlməsi və vergi dəyişiklikləri ilə əlaqədar olaraq, ABŞ vətəndaşlarının Britaniya vətəndaşlığı üçün müraciət etmələri rekord səviyyəyə çatıb.

Milli.Az xəbər verir ki, ABŞ Daxili İşlər Nazirliyinin yaydığı məlumatlara görə, 2024-cü ildə 6100-dən çox amerikalı Britaniya vətəndaşlığı üçün müraciət edib, bu isə 20 il ərzində qeydə alınan ən yüksək saydır.

Müraciətlər 2023-cü ildən 26 faiz artaraq ümumilikdə 251 minə çatıb.

İmmiqrasiya hüquqşünasları bu artımın əsas səbəbini Trampın yenidən seçilməsi və Britaniyada amerikalıları ölkəni tərk etməzdən əvvəl Britaniya pasportları almağa təşviq edən vergi dəyişiklikləri ilə əlaqələndirirlər. Müraciətlərin sayı xüsusilə 2024-cü ilin son rübündə 40 faiz artaraq, təxminən 1700-ə yüksəlib.

Farrer & Co hüquq firmasının ortağı Elena Hinchin ABŞ-dakı siyasi iqlimin Böyük Britaniyada rezidentliyə marağı artırdığını və bu artımın əvvəlki Tramp administrasiyası dövründən daha yüksək olduğunu qeyd edib.

Milli.Az