Dünya

Subay və boşanmış işçilər evlənməsələr işdən çıxarılacaqlar - Bu ölkədə

25 Fevral 2025 14:39

Baxış: 2 091

VTB-də minimal faiz dərəcəsi ilə nağd kredit 9.9%-dən

#DÜNYADA #TOY #AİLƏ #ÇİN

Çində fəaliyyət göstərən Shuntian Kimya Qrupu adlı şirkət 28-58 yaş arası subay və boşanmış işçiləri üçün mübahisəli bir siyasət tətbiq etməyə çalışıb.

Milli.Az xarici mediaya istinadla xəbər verir ki, şirkət yanvar ayında elan edib ki, sentyabrın sonuna qədər evlənməyən və ya ailə qurmayan işçilər işdən çıxarılmaq riski ilə üzləşəcəklər.

Bu qərar Çin hökumətinin evlilik nisbətlərini artırmaq çağırışına cavab kimi təqdim edilib və şirkət tərəfindən ənənəvi dəyərlərə sədaqət kimi əsaslandırılıb. Siyasətə görə, mart ayına qədər evlənməyən işçilər özünütənqid məktubu yazmalı, iyun ayında isə qiymətləndirmədən keçməli idilər. Sentyabr ayına qədər hələ də ailə qurmayan işçilər isə işdən çıxarılacaq.

Bu qərar ictimaiyyət arasında böyük narazılığa səbəb olub. Yerli hakimiyyət orqanları məsələni araşdırmaq üçün müdaxilə edib və Şandunq əyalətinin Linyi şəhərində yerləşən müəssisədə yoxlama aparılıb. Fevralın 13-də keçirilən yoxlama nəticəsində şirkət bir gün ərzində siyasəti geri götürüb.

Rəsmilər bildiriblər ki, heç bir işçi ailə vəziyyətinə görə işdən çıxarılmayıb və bu siyasət Çinin Əmək Qanunu və Əmək Müqaviləsi Qanununu pozur.

Fidan
Milli.Az