Dünya

"Tez yaşlanan Avropanı canlandıracaq ölkə Türkiyədir"

25 Fevral 2025 09:04
Baxış: 1 171
VTB-də minimal faiz dərəcəsi ilə nağd kredit 9.9%-dən
#TÜRKİYƏ #RƏCƏB TAYYİB ƏRDOĞAN

Türkiyə Prezidenti Rəcəb Tayyib Ərdoğan Ankaranın Rusiya-Ukrayna müharibəsinə yanaşmasını bir daha təkrarlayıb.

"Ədalətli və davamlı sülhün təmin olunması üçün bütün gücümüzlə çalışmaya davam edəcəyik", - deyə o bildiirb.

Milli.Az oxu.az-a istinadən xəbər verir ki, prezident Ərdoğan 4-cü Krım Platforması Liderlər Zirvə toplantısına göndərdiyi videomüraciətdə müharibənin dördüncü ili başladığı üçün danışıqlara əsaslanan diplomatik yanaşmaların gücləndiyini vurğulayıb və davamlı sülhə ümid etdiyini bildirib.

O, həmçinin, ötən həftə Ankarada Ukrayna Prezidenti Volodimir Zelenski ilə bu mövzuda danışıqlar apardığını və Türkiyənin bu prosesə daha çox töhfə verməyi hədəflədiyini bildirib. Ərdoğan 2025-ci ilin sülhün bərqərar olacağı bir il kimi yadda qalacağına ümid etdiyini deyib və Ramazan ayının bütün dünyaya sülh və əmin-amanlıq gətirməsini arzulayıb.

Avropa ilə əlaqələrə toxunan Türkiyə prezidenti köhnə qitənin Ankaraya ehtiyacı olduğunu deyib.

"Tez yaşlanan Avropanı canlandıracaq ölkə Türkiyədir. Türkiyənin Aİ-yə tam üzvlüyü Avropa üçün kritik bir zərurətdir. Avropanın Türkiyəyə ehtiyacı var", - dövlət başçısı bəyan edib.

Milli.Az

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.