Dünya

Floridada 7 yaşlı idmançı faciəli şəkildə öldü

9 Fevral 2025 18:07

Baxış: 502

#DÜNYADA

Yeddi yaşlı pilot Elienis-Zoe Dias-Rodriges Florida ştatında yarış zamanı faciəli şəkildə ölüb.

Milli.Az xəbər verir ki, bu barədə "Fox" Orlando Speed World trekinin təşkilatçılarına istinadən məlumat yayıb.

Hadisə fevralın 2-də yerli vaxtla saat 11:20 radələrində Orinc dairəsində baş verib. Florida Şosse Patrulunun məlumatına görə, Rodriges Junior idarəetməni itirib və beton divara çırpılmazdan əvvəl təhlükəsizlik işçisini vurub. 34 yaşlı kişi həyatı üçün təhlükə yaratmayan xəsarətlərlə Orlando Regional Tibb Mərkəzinə aparılıb.

Rodriges Arnold Palmer Xəstəxanasına aparılıb. Həkimlər bir neçə gün onun həyatı üçün mübarizə aparsalar da, çərşənbə günü, fevralın 5-də qız dünyasını dəyişib./publika.az

Milli.Az