Dünya

Melaniya Tramp da öz kriptovalyutasını buraxdı

20 Yanvar 2025 20:00

Baxış: 1 115

VTB-də minimal faiz dərəcəsi ilə nağd kredit 9.9%-dən

#ABŞ

ABŞ-nin seçilmiş Prezidenti Donald Trampın həyat yoldaşı Melaniya da öz memkoinini buraxıb.

Milli.Az oxu.az-a istinadən xəbər verir ki, kriptovalyuta "$TRUMP" memkoini ilə analoji olaraq "$MELANIA" adlandırılıb.

Kriptovalyutanın buraxılması barədə Melaniya Tramp "Truth Social"da məlumat verib.

"CoinMarketCap" platformasının məlumatına görə, Melaniyanın bir memkoinini hazırda 0.03 dollara almaq olar.

Xatırladaq ki, yanvarın 17-də Tramp öz kriptovalyutasının buraxılmasını elan edib. Bir gün ərzində memkoinlərin ticarət həcmi 11 milyard dolları ötüb, kriptovalyutanın kapitallaşması artıq 10.5 milyard dolları keçib. Bir "$TRUMP" memkoini hazırda 50 dollar ətrafında ticarət olunur.

Daha əvvəl "Bloomberg" agentliyi xəbər vermişdi ki, Tramp kriptovalyutanın inkişafını ABŞ-nin milli prioriteti elan edəcək fərman imzalamağı planlaşdırır.

Siyasətçinin andiçmə mərasimi bu gün, yanvarın 20-də keçiriləcək.

Qeyd edək ki, memkoinlər sosial eksperiment kimi yaradılan kriptovalyutadır. Onun qiyməti yaradıldığı fenomenin populyarlığından asılıdır. Məsələn, "politifi" tipli memkoinlər ("politic" (siyasi) və "finance" (maliyyə) sözlərinin qarışığı) hər hansı bir siyasi xadimin dəstəyi üçün yaradılır. Memkoinin qiyməti siyasətçinin dəstək səviyyəsindən asılıdır. Bu formatda olan kriptovalyutalar heç bir dəyər, ya istifadə üsulları daşımır və spekulyativ maliyyə alətidir.

Milli.Az