Dünya

Suriyanın yeni liderinin ilk səfəri Türkiyəyə olacaq

8 Yanvar 2025 16:05
Baxış: 1 233
VTB-də minimal faiz dərəcəsi ilə nağd kredit 9.9%-dən
#TÜRKİYƏ #SURİYA

Türkiyə mətbuatı Suriyanın yeni administrasiyasının lideri "Həyat Təhrir əl-Şam" təşkilatının rəhbəri kimi tanınan Əbu Məhəmməd əl-Colaninin (Əhməd əl-Şara) ilk xarici səfərini Türkiyəyə edəcəyini iddia edir.

Milli.Az Türkiyə mediasına istinadla xəbər verir ki, məlumata görə, Colani bu səfəri Türkiyənin Suriyadakı dəstəyinə təşəkkür etmək üçün "simvolik" bir jest olaraq planlaşdırır. İddiaya görə, səfər zamanı Colani Türkiyə Prezidenti Rəcəb Tayyib Ərdoğanla görüşəcək.

Bu məsələ ilə bağlı nə Suriyanın yeni administrasiyası, nə Türkiyə Xarici İşlər Nazirliyi, nə də Dezinformasiya ilə Mübarizə Mərkəzi rəsmi açıqlama verib.

Qeyd edək ki, Colani Suriyada hakimiyyətə gəldikdən sonra Türkiyə Milli Kəşfiyyat Təşkilatının (MİT) direktoru İbrahim Kalın və Türkiyənin Xarici İşlər Naziri Hakan Fidan Dəməşqdə onunla görüşüb. Nazir Fidan görüş zamanı Suriyanın gələcəyinə ümidlə baxdığını vurğulayıb və Suriyalı qardaşların daha gözəl günlər görəcəyinə inandığını ifadə edib.

Fidan
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.