Dünya

Zurabişvili prezident sarayını tərk etdi, Kavelaşvili and içdi - VİDEO

29 Dekabr 2024 11:41

Baxış: 1 570

VTB-də minimal faiz dərəcəsi ilə nağd kredit 9.9%-dən

#GÜRCÜSTAN #VİDEO #SEÇKİLƏR

Mixeil Kavelaşvili Gürcüstanın altıncı prezidenti olaraq and içib.

Milli.Az "Sputnik Gürcüstan"a istinadən xəbər verir ki, parlament binasında keçirilən mərasimdə Kavelaşvili gürcü xalqına sədaqət andı içərək prezidentlik vəzifəsini qəbul edib.

Yeni prezident andında Gürcüstanın Konstitusiyasını, ölkənin müstəqilliyini və bütövlüyünü müdafiə edəcəyinə, prezident vəzifələrini vicdanla yerinə yetirəcəyinə söz verib.

Kavelaşvili and içdiyi Gürcüstan Konstitusiyasının xüsusi çap olunmuş nüsxəsini parlamentə təhvil verəcək və bu nüsxə gələcəkdə Parlament Muzeyində sərgilənəcək.

Qeyd edək ki, bununla yanaşı Zurabişvili Gürcüstan prezidentinin iqamətgahını tərk etmək qərarına gəlib.

Salome Zurabişvili Gürcüstan prezidentinin iqamətgahı olan Orbeliani sarayını özü ilə legitimlik aldığını bildirərək tərk etmək qərarına gəlib.Onun sözlərinə görə, ölkənin yeni seçilən Prezidenti Mixail Kavelaşvili vəzifəsinin icrasına başladıqda prezident sarayını tərk edəcək.

Nərmin Mahmudova
Milli.Az