Dünya

ABŞ-də Fövqəladə vəziyyət elan edildi

19 Dekabr 2024 11:20

Baxış: 1 055

#DÜNYADA #ABŞ #XƏSTƏLİK #QUŞ QRİPİ

ABŞ-ın Luiziana ştatında bir nəfərin quş qripinə yoluxması ölkədə böyük narahatlıq yaradıb. Bu, ABŞ-da insanlarda qeydə alınan ilk ciddi quş qripi hadisəsi olaraq tarixə düşüb.

Milli.Az xaricə mətbuata istinaədn xəbər verir ki, xəstəliklərə Nəzarət və Qarşısının Alınması Mərkəzinin (CDC) məlumatına görə, 65 yaşdan yuxarı və xroniki xəstəlikləri olan bir şəxs, evinin həyətyanı sahəsindəki ev quşlarından virusu alıb və ciddi tənəffüs problemləri ilə xəstəxanaya yerləşdirilib.

CDC, "D1.1" tipli quş qripi variantının ABŞ və Kanadada daha əvvəl insanlara keçdiyini təsdiqləyib. Aprel ayından bəri ölkə daxilində 61 nəfər bu xəstəliyə yoluxub, əksəriyyəti heyvan fermalarında çalışan işçilər olub və halların çoxu yüngül simptomlarla müşahidə edilib.

Kaliforniya ştatında isə quş qripinin epidemiyası riskinə qarşı fövqəladə vəziyyət elan edilib. Ştatın qubernatoru Qavin Neysom, cənub bölgəsindəki dörd mal-qara fermasında quş qripi testlərinin müsbət çıxmasından sonra bu qərarı verdiklərini açıqlayıb. Fövqəladə vəziyyətin məqsədi epidemiyanın yayılmasının qarşısını almaqdır.

Bu hadisələr ABŞ-da quş qripi ilə bağlı narahatlıqları artırıb və vəziyyətin ciddi şəkildə nəzarət altına alınması üçün tədbirlər davam edir.

Fidan
Milli.Az