Dünya

”Putin çöküşə düşündüyümüzdən daha yaxındır”

11 Dekabr 2024 23:33

Baxış: 1 541

VTB-də minimal faiz dərəcəsi ilə nağd kredit 9.9%-dən

#RUSİYA

The Telegraph qəzetinin iqtisadiyyat redaktoru Ambrose Evans-Pritchard, Rusiyanın iqtisadi cəhətdən əsl bir çöküş ərəfəsində olduğunu bildirib.

"Suriya və Ukrayna arasında sıxışan Rusiya, 1980-ci illərdə Sovet İttifaqını iflasa sürükləyən vəziyyətlə eyni vəziyyətdədir." deyə əlavə edib.

Putin çöküşə doğru irəliləyir

"Rusiya Prezidenti Vladimir Putin, mühüm bir regional müttəfiqini itirərək Moskvada kritik bir anda zəifləyib. Ukrayna üç illik münaqişədə tədricən məğlubiyyətə doğru gedir. Rusiya isə dünya ilə apardığı iqtisadi yarışı yavaş-yavaş itirir.

Kremlinin neft ixracından əldə etdiyi gəlirlər yüksək intensivlikli müharibəni davam etdirmək üçün kifayət etmir. Üstəlik, Putinin ətrafında Rusiyaya bir rubl belə borc verə biləcək heç kim qalmayıb.

Rusiyanın həddindən artıq gərgin, hərbi-Keynesçi müharibə iqtisadiyyatı təcrübəli işçi qüvvəsindən məhrum olub. Üç illik müttəfiqlərin tətbiq etdiyi embarqodan sonra tənəzzülə uğrayan iqtisadiyyat, 1917-ci ildə Almaniyanın səmərəsiz hərbi iqtisadiyyatına çox bənzəyir.

Putin və beynəlxalq nüfuz itkisi

Putinin Ukraynada strateji qələbəsi iki həftə əvvəl qaçılmaz görünürdü. Lakin Əsəd rejimi bir kağız qalası kimi çökdükdən və Putinin Yaxın Şərqdəki və Saheldəki nüfuzunu darmadağın etdikdən sonra bu, daha az qaçılmazdır.

Putin, ərəb dünyasında sahib olduğu yeganə dövlət müttəfiqini xilas etmək üçün heç bir addım ata bilmədi. Bu isə onun beynəlxalq nüfuzunun ciddi şəkildə zədələnməsinə səbəb oldu." deyə baş redaktor qeyd edib.

Lalə Qüdərova
Milli.Az

Milli.Az - Xəbər Portalı

”Putin çöküşə düşündüyümüzdən daha yaxındır”

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?