Dünya

Dəməşqdə talan edilmiş Əsəd sarayının görüntüləri - FOTOlar

8 Dekabr 2024 20:16

Baxış: 2 550

VTB-də minimal faiz dərəcəsi ilə nağd kredit 9.9%-dən

#SURİYA

Onlarla suriyalı, bazar günü üsyançı qüvvələrin paytaxtı ələ keçirməsindən sonra Bəşər Əsədin Dəməşqdəki dəbdəbəli evinə baş çəkib.

Milli.Az xəbər verir ki, bu barədə AFP müxbiri məlumat verib.

Qadınlar, uşaqlar və kişilər evin və onun geniş bağçasının içərisini gəzərkən, otaqların tamamilə boş olduğu, yalnız bəzi mebellərin və yerə atılmış Əsədin portretinin qaldığı müşahidə edilib. "Mən intiqam üçün buradayam; onlar bizi inanılmaz dərəcədə zülmə məruz qoydular," - 44 yaşlı Əbu Ömər AFP-yə bildirib.

"Mən şəkillər çəkirəm, çünki onun evinin ortasında olmaqdan çox xoşbəxtəm," - deyə o, mobil telefonunda çəkdiyi fotoları göstərərək əlavə edib.

Bazar günü suriyalılar fərqli bir ölkəyə oyandılar. Üsyançılar 11 gün ərzində ildırımsürətli bir hücumla Dəməşqə daxil olaraq, "zalımlıq edən" Əsədin devrildiyini elan ediblər. Onun hazırda harada olduğu məlum deyil və məlumatlara görə, ölkədən qaçıb. Maliki məhəlləsindəki iqamətgah üç altımərtəbəli binadan ibarətdir.

AFP müxbiri, həmçinin, bir neçə kilometr uzaqda yerləşən Dəməşqdəki prezident sarayının yandırılmış qəbul zalını da müşahidə edib. Əsədin hökuməti devrilənə qədər onun iqamətgahı və prezident sarayı adi vətəndaşlar üçün qapalı olub.

Otaqdan otağa keçərkən Əbu Ömər öz sevincini ifadə edib. "Mən artıq qorxu hiss etmirəm. Yeganə narahatlığım odur ki, biz suriyalılar birləşib bu ölkəni birlikdə quraq," - deyə o, duyğulu bir səslə bildirib.

Lalə Qüdrətova
Milli.Az