Tarixin ən gənci: Ağ evin mətbuat katibi Kerolayn Livitt kimdir? - FOTO

ABŞ-ın yeni seçilmiş prezidenti Donald Tramp özünü əsl gözəllərlə əhatə edib. Ola bilsin ki, onun seçkilərdə qələbə qazanmasında onların böyük rolu olub. 

Milli.Az lent.az-a istinadən bildirir ki, Melaniya və İvanka haqqında çox danışırıq, bəs Ağ evin tarixində ən gənc mətbuat katibi olan Kerolayn Livitt haqqında nə məlumdur.

ABŞ-ın bir çox məşhurları və qadınları Donald Trampın qadınlarla bağlı siyasətindən ciddi şəkildə narahat olsalar da, seçilmiş prezidentin komandasına nəzər salsanız, onu açıq-aydın qadın düşkünü adlandırmaq olmaz. O, idarəçilikdə bir neçə mühüm vəzifəni öz tərəfdaşlarına həvalə edib.

Syuzu uayls Ağ evin aparat rəhbəri, Linda MakMehon təhsil naziri, Tulsi Qabbard milli kəşfiyyatın rəhbəri və Kristi Noem daxili təhlükəsizlik katibi olub. Hər bir ictimai çıxışda Trampı həmişə həyat yoldaşı dəbdəbəli Melaniya və gözəl qızı İvanka müşayiət edir.

Bir çox jurnalist və analitik Donaldın tarixdə ilk dəfə qaradərili amerikalı Karin Jan-Pierre tərəfindən tutulan mətbuat katibi vəzifəsini Taker Karlsona həvalə edəcəyini proqnozlaşdırsa da, prezident Kerolayn Livitti seçib. Ağ ev tarixində bu vəzifədə olan ən gənc qadınla bağlı məlum olanları sizə təqdim edirik.

Kerolayn Livittin tərcümeyi-halı

Kerolayn Livitt 1997-ci il avqustun 24-də Nyu-Hempşirdə anadan olub və kifayət qədər ciddi katolik ənənələrində böyüyüb. Valideynlərinin iki biznesi var idi: dondurma mağazası və yük maşını satışı şirkəti. Mömin ailə adət-ənənələrə olduqca ciddi şəkildə əməl edirdi, buna görə də qızlarının gələcək təhsil yeri haqqında çox fikirləşmirdilər.

Kerolaynı Massaçusets ştatının Lourens şəhərindəki Mərkəzi Katolik Liseyinə, sonra isə Müqəddəs Anselma kollecinə göndərilib. Yeniyetməlik illərindən Livitt Hearst Televiziyasının WMUR-TV-də işləyib və sonra "Fox News"da təcrübə keçib. Qızın aydın və kifayət qədər radikal siyasi baxışları da kollecdə oxuyarkən formalaşıb. Bu, ona gələcəkdə uğurlu karyera qurmağa və Donald Trampın etimadını qazanmağa kömək edib.

Kerolayn Livittin şəxsi həyatı

Kerolayn Livitt şəxsi həyatını gizlətmir, lakin o, bu barədə çox ətraflı danışmır. Onun evli olduğu və 2024-cü ilin yayında ilk dəfə ana olduğu məlum olub. Mətbuat katibinin sosial şəbəkələrində oğlu ilə bir neçə fotoşəkil var, dostları və qohumları ilə şəkillər tapa bilərsiniz, lakin o, nadir hallarda ərini göstərir.

Kerolaynın Ağ evin mətbuat katibi vəzifəsinə təyin edilməsinin rəsmi elanında onun "ağıllı, mətanətli və yüksək effektiv ünsiyyətçi olduğunu sübut etdiyi" deyilir. 

2024-cü ilin yanvarında hamilə ikən Trampın komandasına qoşulduğu üçün qızın xarakterinin gücünə və səmərəliliyinə heç bir şübhə yoxdur. Maraqlıdır ki, Livitt analığı televiziyada daimi çıxışlar və genişmiqyaslı ciddi işlərlə necə birləşdirə bilir - Amerikada çoxları üçün bu sirr olaraq qalır.

Trampa ilk sui-qəsd cəhdindən sonra Kerolayn o zaman cəmi 4 günlük olan oğlunu ərinə təhvil verib və o, tarixdə demək olar ki, ən qısa analıq məzuniyyətindən sonra qərargaha qayıdıb. O, hərəkətini onunla izah edib ki, hazırda daim prezidentin yanında olmaq istəyir.

Kerolayn Livittin karyerası

Kolleci bitirdikdən sonra Kerolayn Ağ evin mətbuat xidmətinə qoşulub və burada mətbuat katibinin köməkçisi vəzifəsində çalışıb. 2022-ci ildə o, ABŞ Konqresinə daxil ola bilib və burada Donald Trampın tərəfdarı Eliza Stefanikin kommunikasiya direktoru vəzifəsində çalışıb.

Həmçinin 2022-ci ildə Kerolayn doğma Nyu-Hempşir ştatından ABŞ Nümayəndələr Palatasına seçilib. Beləliklə, Livitt Amerika siyasi aparatında "zoomer" nəslin ikinci nümayəndəsi olub. Co Bayden administrasiyası zamanında, Kerolayn, öz sözləri ilə desək, "əsl prezident" üçün "darıxıb".

Buna görə də Syuzi Uayls onu 2024-cü ilin yanvarında Tramp kampaniyasına qoşulmağa dəvət edəndə sarışın uzun müddət düşünməyib.

"Mən əminəm ki, o, platformada üstün olacaq və Amerikanı yenidən möhtəşəm etdiyimiz üçün mesajımızı Amerika xalqına çatdırmağa kömək edəcək", - Donald Tramp deyib.

Məlumdur ki, Donald Trampla işləyərkən Kerloyan tamamilə prezidentin rejiminə uyğunlaşıb: indi o da gündə cəmi 4 saat yatır.

Üstəlik, çoxlarının yumşaq və sadəlövh hesab edə biləcəyi yaraşıqlı görünüşünə baxmayaraq, Livitt emosionallığı və barışmazlığı ilə seçilir.

Ekspertlər və analitiklər qeyd edirlər ki, Kerloyan həmişə çəkilişlərə hazırdır, prosesə çox asanlıqla qarışır, situasiyanı tez idarə edir və seçilmiş prezidenti həmişə aqressiv müdafiə edir.

Milli.Az