Dünya

İsveç Ukrayna üçün 63 milyon ayıracaq

30 Oktyabr 2024 00:20
Baxış: 1 107
VTB-də minimal faiz dərəcəsi ilə nağd kredit 9.9%-dən
#DÜNYADA #MARAQLI #UKRAYNA #İSVEÇ

İsveç Ukraynaya 63 milyon avroluq yardım edəcək.

Milli.Az xəbər verir ki, bu barədə İsveç hökümətinin yaydığı məlumatda deyilir.

Artıq müvafiq qurumlara Ukraynanın müdafiə sənayesi tərəfindən Kiyevə təhvil veriləcək hərbi texnikanın alınması üçün Danimarka ilə danışıqlar aparmaq və müqavilə bağlamaq barədə göstəriş verilib.

"Ukraynada hasilatı artırmaqla, ümumi Avropa müdafiə sənayesi bazası gücləndirilir", - press-relizdə deyilir.

İsveç hakimiyyətinin məlumatına görə, daha 63 milyon avro Ukrayna silahlı qüvvələrinə sürətli və effektiv dəstək vermək üçün çoxtərəfli təşəbbüslərə xərclənəcək. 

Qeyd edək ki, İsveç 2022-ci ilin fevral ayından Ukraynaya 57,4 milyard kron yardım ayırıb ki, bunun da 48,4 milyard kronu hərbi yardımdır (müvafiq olaraq 4,99 və 4,20 milyard avro).

Nərmin Mahmudova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.